kuch nahin mangta shahon se yeh sheda tera
is ki dolat hain faqat naqsh e kaf e paa tera
poray qad se jo khara hon tu ya tera ha karam
mujh ko jhoknay nahin deta ha sahara tera
dastgiri meri tanhi ki tu na hi tu ki
mein tu mar jata agar saata na hota tera
log kehte hain ke saya tere pekar ka na tha
main tu kehta hon jahan bhar pe hai saya tera
aik baar aur bhi teba se falasteen main aa
rasta dekhti hai masjid aksa tera
ab bhi zulmat faroshon ko gila hai tujh se
rat baki bhi ke suraj nikal aya tera
mashriq wa maghrb mein bikhray huwa gulzaroo ko
nikhtain bant ta ha aaj bhi sahara tera
ta ba ta tergiyain zahn pa jab lutti hain
noor ho jata ha kacha aur hawada tera
kuch nahi sujta jab piyas ki shidat se mujh
chalak utta ha mera roh mein meena tera
tu bashr bhi ha magar fakhir e bashr bhi tu ha
mujh ko tu yaad ha bas itna sarapa tera
mein tujh alam e asia mein bhi pa lata hu
log kahtay hain k alam e baala tera
meri aankhon se jo dhondain tujha har so dekhain
sirf khalwat mein jo kartay hain nazara tera
woh andharoon se bhi dar'ana guzar jatay hain
jin ky mathay mein chamakta ha sitara tera
nadyain ban ky pahroon mein tu sab ghoomtay hain
raag zaroon mein bhi bahta raha darya tera
sharq aur gharb mein nikhray hua gulzaroon ko
nikhtain bant ta ha aaj bhi sahara tera
tujh se pehlay ka jo mazi tha hazaroo ka sahi
ab jo ta hashr ka farda ha wo tanha tera
کچھ نہیں مانگتا شاہوں سے یہ شیدا تیرا
اس کی دولت ہے قفط نقشِ کفِ پا تیرا
پورے قد سے جو کھڑا ہوں تو یہ تیرا ہے کرم
مجھ کو چھکنے نہیں دیتا ہے سہارا تیرا
دستگیری میری تنہائی کی تو نے ہی تو کی
میں تو مر جاتا اگر ساتھ نہ ہوتا تیرا
لوگ کہتے ہیں کہ سایہ ترے پیکر کا نہ تھا
میں تو کہتا ہوں جہاں بھر پہ ہے سایہ تیرا
ایک بار اور بھی طیبہ سے فلسطین میں آ
راستہ دیکھتی ہے مسجد اقصیٰ تیرا
اب بھی ظلمات فروشوں کو گلہ ہے تجھ سے
رات باقی تھی کہ سورج نکل آیا تیرا
مشرق و مغرب میں بکھرے ہوئے گلزاروں کو
نکہتیں بانٹتا ہے آج بھی صحرا تیرا
تہ بہ تہ تیرگیاں ذہن پہ جب لوٹتی ہیں
نور ہو جاتا ھے کچھ اور ہویدا تیرا
کچھ نہیں سوجھتا جب پیاس کی شدت سے مجھے
چھلک اٹھتا ھے میری روح میں مینا تیرا
تو بشر بھی ھے مگر فخرِ بشر بھی تو ھے
مجھ کو تو یاد ھے بس اتنا سراپا تیرا
میں تجھے عالمِ اشیاء میں بھی پا لیتا ہوں
لوگ کہتے ہیں کہ ھے عالمِ بالا تیرا
میری آنکھوں سے جو ڈھونڈیں تجھے ہر سو دیکھیں
صرف خلوت میں جو کرتے ہیں نظارا تیرا
وہ اندھیروں سے بھی درّانہ گزر جاتے ہیں
جن کے ماتھے میں چمکتا ھے ستارا تیرا
ندیاں بن کے پہاڑوں میں تو سب گھومتے ہیں
ریگزاروں میں بھی بہتا رہا دریا تیرا
شرق اور غرب میں نکھرے ہوئے گلزاروں کو
نکہتیں بانٹتا ھے آج بھی صحرا تیرا
تجھ سے پہلے کا جو ماضی تھا ہزاروں کا سہی
اب جو تاحشر کا فردا ھے وہ تنہا تیرا
احمد ندیم قاسمی
Ahmed Nadeem Qasmi
