Qadam qadam pe Khuda ki madad pohanchti hai Lyrics

Qadam qadam pe Khuda ki madad pohanchti hai
durood se mere dil ko rasad pohanchti hai

ye aasmaan bhi wahan tak nahi pohanch sakta
jahan tak aap k qadmon ki hadd pohanchti hai

sir apna paaye risalat ma’aab per rakh doon
to aasmaan pe bulandi-e-qadd pohanchti hai

juloos-e-ishq-e-nabi ka ho jis taraf se guzar
mere junoon ko bhi lay kar khirad pohanchti hai

durood ka dia jata hai jub sawab mujhe
bahisht tak meri do guz lahad pohanchti hai

salaam-o-naat muzaffar yahan mein parhta hoon
qubooliat ki haram se sanad pohanchti hai

قدم قدم پہ خدا کی مدد پہنچتی ہے
درود سے میرے دل کو رسد پہنچتی ہے

قدم قدم پہ خدا کی مدد پہنچتی ہے
درود سے میرے دل کو رسد پہنچتی ہے

یہ آسماں بھی وہاں تک نہیں پہنچ سکتا
جہاں تک آپ کے قدموں کی حد پہنچتی ہے

سر اپنا پائے رسالت ماب پر رکھ دوں
تو آسماں پہ بلندئ قد پہنچتی ہے

جلوسِ عشقِ نبی کا ہو جس طرف سے گزر
میرے جنوں کو بھی لے کر خرد پہنچتی ہے

درود کا دیا جاتا ہے جب ثواب مجھے
بہشت تک میری دو گز لحد پہنچتی ہے

سلام و نعت مظفرؔ یہاں میں پڑھتا ہوں
قبولیت کی حرم سے سند پہنچتی ہے
کلام مضظفر وارثی